› 選擇地區
三藩市
紐約
洛杉磯
其他美國地區
香港 台灣 北美
 
2015年07月07日

校長,我唔係講笑 - 陳也

廿四孝父母發飆查究,到底住太和抑或銀湖天峰,是不是名校面試必答題呢?唔理三七廿一,谷歌地圖,搵埋地產經紀,實地巡視太和,再去銀湖天峰考察,做晒功課,以防萬一。
校長或許還會進一步,問面試的高材生:想做食催淚彈那個,抑或做放催淚彈那個。(住銀湖的搶答:我一定會做到,有權下令放催淚彈那個。)
校長繼續問:留下來投831落閘方案一票,抑或等埋發叔,睇實WhatsApp,跟隊離場?(校長沒可能是九十後,對廢青肯定睇唔順眼,如果你家住太和,最好顧左右言他,說會憑專業判斷投下神聖一票。)
解放軍實彈演練任由傳媒拍攝,校長給震懾了,問:你自覺是中國香港人,抑或香港中國人?(記得交出標準答案:我從小就是鬼仔性格,阿媽打算搞移民,去空氣冇咁曳的新西蘭。問我是什麼人?噢,當然是新人!)最後校長問:將來志願是…叻仔即答:開補習社,讓所有肉類分割技術員都有雙碩士學位!重慶大廈的非洲人都能做到港大副校長!校長,我真的唔係講笑。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載