› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

黃雨傘下的重光 - 陳也

有假,真係唔放?
為了明天抗戰勝利七十周年的特別假期,一次性,萬中無一,打工仔捱到殘當然唔抗戰(就算被無良僱主「欠」下過百億超時補水,都啞忍了),唔抗議,(噢不,隨時趁假期上街,唔算政治化呀,例如,支持友好大馬人民的黃色反貪行動,嗯,更別忘記MH370這筆硬賬!或者聲援日本全國反安保法的絕食學生和市民),唔抗辯,(呃不,不能不抗辯啊,法庭當黃之鋒周永康羅冠聰肚裏只有麥當勞而無墨水嗎!)……總之,七十年一閏,話之佢,又唔係保育,抗戰七十年,唔係街口圓角老唐樓嘛,一次過,放住先咯。
放假節目,特府重手推介:跨部門適度有為地,「規劃」重光紀念日。重光,想呃90後,CCTVB撈亂國旗擦錯阿爺鞋,唯有再諗計,索性修圖,跟發展局和教育局以至旅發局合作,由中聯辦或者港大校委背書,一錘定音,指出重光紀念,根本是一場誤會,聽錯了口音,真正的意思,是崇光!「規劃」後的重光,等埋首副一齊入博物館。崇光就豪派現金coupon,購物送埋免費驗鉛水服務。在曾經撐起無數黃雨傘的銅鑼灣,九三血拼,點抗拒先!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載