› 選擇地區
三藩市
紐約
洛杉磯
其他美國地區
香港 台灣 北美
 
2016年01月07日

銅鑼灣去西環48分鐘 - 陳也

在西環地牢密室中,玩fb的光棍煒獻計:「等我幫手喺波老闆個fb又試add晒日台的女優,造成一個局,當佢北上叫雞,鹹濕闖禍。呢條橋,係香港麻甩佬都受,應該行得通。」於是他起勢𢱑AV正妹,成張長枱都是他流出來的口水。
負責打後衛經常鏟波的王精嗤之以鼻:「呢個書店老闆,有無我咁出名?又不是20歲成名,22歲買樓,只係一條毛!憑乜以為公安會大費周張越境拉佢?正一自大狂!我建議剝佢光豬,放喺維園波地,叫傳媒來收人!話佢喺工展會偷海味被整蠱放了入行李箱,狗仔都係咁坐飛機去了札幌啦,掂!」
志乾同志唔認同,認為:「食了豹子膽,竟然想出版習大大情史!真的唔係波!要認真發落,被失蹤的下一步,是被自殺!加大力度,殺一儆百!李旺陽,不是唯一的,識怯未你班反骨仔!」
個名又是叫阿波的,托起眼鏡總結:「我們早就講過,絕對不會捱打,要向全個銅鑼灣宣戰!要向賣禁書毒害年青人的書店老闆反擊!這是一場聖戰!呵呵呵,香港終於有自己版本的IS,好爽啊!搞到我都想二次創作,作支歌叫做『銅鑼灣暴力消失』,正!勁!」

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載