› 選擇地區
三藩市
紐約
洛杉磯
其他美國地區
香港 台灣 北美
 
2016年04月07日

十年熱 - 陳也

十年,沸沸揚揚,最佳電影議題,能維持十天已經了不起。十年不但耐力強,還挾着以環球時報為核心的黨喉舌另類的「推廣」,電影老闆尖酸的「背書」,十年,很可能一直成為話題,三年七年十年一直炒熱下去,天然保溫至2047,不用竊聽,不會涼。
十年得獎,再拍另一個十年?唔使叫曾俊華寫影評,看李波這套「以自己方式乜乜乜」的誇張爛戲,超現實到呢,有時真係忍唔住笑。黨喉舌做足宣傳,吹捧強力部門做導演的迷幻黨片,無敵!嚟緊另一個十年,香港一定無真普選,一定會有十款變種男主角李波,西環,年年有戲!
崩口人忌崩口碗,政治綁架了專業誰說的?一聽見綁架,人大無得縮,埋位做嘢,反問:有咩證據又屈公安呀?邊位叫做專業?金像獎五子,有冇外國護照先?有冇坐過洗頭艇?唔通返鄉下拜山都算政治綁架?
十年,不是十億,巴拿馬名人政要的離岸戶口曝光,跟匯豐拒絕黃之鋒和周庭聯名開戶,有乜聯想?問吓閒閒地擁有銅鑼灣N個吉舖的闊佬。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載