› 選擇地區
三藩市
紐約
洛杉磯
其他美國地區
香港 台灣 北美
 
2016年05月07日

一哥告白 - 陳也

貪曾不斷複製進化,最新獻世者,是被一哥前一哥後恭維,跟狼凸拍住上,無悔施放87枚催淚彈那位。
一哥被叮,打回原形,催淚彈唔可以撈飯,要養家供樓,只好投靠商家搵食。以下是一哥真自辯/自便:調查機構指退休後要有安全feel,銀行點都要有六百萬以上。我揸住碌警棍幾十年,鑊鏟拎唔起,轉型做的士佬都難。好彩蔣氏睇得起,叫我做策劃師。老婆問即係乜?即係禮儀師咯,專幫闊佬死人化妝!有乜衰嘢,細佬我自動波幫老闆揹鑊!老婆要面,叫我唔好做,勸我打電話俾狼,請佢指點財路。算死草到連手提行李都唔肯DHL過去美國,夾硬質空姐質到人喊,條友咁cheap,點會益我!我都想過做義工,扮清高。但問過社企,佢哋好認真咁講,人工真係只得一蚊!咪玩啦,咁即係等於叫我去食屎!
記者挑機,話我走數,挑,正一天方夜譚!我未驚過,人為財死,無畏無懼!記者唔使追查,我無BVI,如果有離岸戶口咁富貴,WTF,仲使服侍姓蔣個喪婆!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載