› 選擇地區
三藩市
紐約
洛杉磯
其他美國地區
香港 台灣 北美
 
2016年05月13日

黐L型的線 - 陳也

各位議員跟北大爺食飯,預了唔易落格,更要先填表格。這個表,咪當登記做選民咯,被迫登記多一次,建制派調亂地址種票都係咁上下。
噢,議員還要被告之,要穿「正服」。何謂正服?自古正邪不兩立,負負得正,正正反反,基本法N咁多條,無寫喎,由門口實Q去評定誰正誰邪嗎?穿喪服出席,即使成套黑西裝白恤衫,保安會不會學晒殺入馬屎埔村對付村民那批外判的一代宗師,對西裝友施以浮腰,撻生魚咁撻?
除了正服,還要遵守宴會中絕不離座祝酒的規定。心知肚明,個個等埋發叔離座,豈不甩轆「流會」!祝酒不必離座,除非離座者舉杯邀明月之後,即刻掟杯成一人!大叔望住一地碎玻璃,震驚啊,港獨真暴動,真係見到!這項規定,唔buy愈亂愈有利連任這種謬論,細心諗,擺明跟狼凸唱反調。
添美道的黐膠磚在兩度紅雨下被沖膠散咗,化成可笑的膠粒來迎接德江同志。向誰問責?大陸的L型經濟殺到,香港已進入「有人造假,無人需要負責」的黐L線狀況。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載