› 選擇地區
三藩市
紐約
洛杉磯
其他美國地區
香港 台灣 北美
 
2016年05月18日

瞓街大媽完勝張總 - 陳也

上水某銀行的24小時櫃員機自成一角,玻璃通透,風涼水冷,被兩個眼光奇準的強國大媽睇中,連人帶篋,夜宿於ATM機前。香港真的好正好靚,露宿都可以光明磊落,唔慌出事。這樣哦,兩位強國大媽的夜宿豪相,馬上將同期訪港視察,被警方提升至反恐規格的張德江,強烈比下去!
1比0:大媽天地任我……眠,能屈能伸能瞓街,公然佔領櫃員機,是強國人民的代言。張德江出出入入大棚人保護,驚到死,失晒領導人魅力。抵輸。
2比0:大媽霸住一個櫃員機一晚,只是令極少數人唔方便。張德江視察成個灣仔三日,地盤停工四日,假如人有三急,喺灣仔一定失禁!警方封晒路,廁所都唔俾市民入去。特府標榜利民紓困?廢話!搵笨!又輸。
3比0:大媽勇武拖篋,揀北區瞓街,凸顯中港共融,三個字:熱愛本土!是對堅離地的高官和高幹最大的挑機!香港需要大陣仗反恐三日?真係睇唔出!警隊與狼,叫埋陳家強,邀請張總一齊驗腦吧!驗完,認輸。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載