› 選擇地區
三藩市
紐約
洛杉磯
其他美國地區
香港 台灣 北美
 
2016年11月02日

齊心開枱 - 陳也

(互聯網)

胡官出場,令人想起湊佳苗文庫中有一本名字叫做「為了N」。胡官出台,是為了那一位「N」嗎?
齊心心戰室連夜密會,分析那個N到底是不是hea十年的傢伙。戰友咬牙切齒:「一定係,明明喺中場,無端端走位殺入禁區,實係博十二碼或者係打掩護,我們得高規格嚴防對方忽然起腳遠射得手!」
咁,有乜回防策略?「還治其人之身,學佢哋咁搵個老翻胡官出來,幫我們擋箭。」
咁,邊個肯捱義氣?「垃圾桶!」大家劍指粒聲唔出的劉華。但戰略大佬即時拍枱推翻,指劉華弱雞得滯,三號波都吹得翻。
「胡官法律界,我們搵娛樂界頂佢爛市!好佬怕潑婦,呢招實管用。」幾個戰友爭寫提名表格,提議一:愛國元老阿姐。反對理由是:「龍蝦會呷醋,黑面唔好睇。」提議二:親建制到嘔的肥嫲。反對意見是:「佢似國產肥肥,面口卻太過賓賓,抹窗可能啱使,選戰嫌唔夠班。」戰友陸續提名瘋華哥、低智森和絕對唔會爆的中國龍爺。胡官以一敵三,打麻將的話實出銃輸死!狼特到時殺出來抽水收枱,擸走晒枱面籌碼,佢一心一意對付呢班三流雀友,大殺七方都有凸!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載