› 選擇地區
三藩市
紐約
洛杉磯
其他美國地區
香港 台灣 北美
 
2016年11月09日

盲降,墜落 - 陳也

人大釋法,珠姐解畫,問強國同胞,支持釋法的,肯定多到爆。珠姐,阿媽係女人啊,還用說!人大,大你,大晒,大香港,真大哥大。照這種邏輯,中國人多兼大,隻手遮天玩晒,還搞什麼特區,及早正名,還香港仔一個明白,一國一制,鍾意點釋就點釋,唔使擇日子。
2016距離2047,只是隔一個鐵馬位,兩制捱不住警棍,終於被一國落鑊,辣炒後上碟,主廚西環亮相。禮賓府那邊,正式懸空,需要時拆埋佢,批出讓乜乜國際學校用來起校舍。怪獸家長崇拜另一制,不問情由俾錢入讀的機構,當教育局廢嘅,收晒生,香港政府吹得脹嗎?香港政府咁廢,繞過無能的官員,問人大攞牌,叫西環發license,快省靚正得多。吳局長夠薑say no?笑死人,你宣誓效忠的態度夠莊重嗎?滾!滾回英國去!噢,局長拿特區護照嗎?梁38知悉後,心情沉重,討回大英帝國護照要多久呢,趕得及解放香港前跳船嗎?早幾天,北京污染物勁阻四百多班航機降落,國泰機師嘗試盲降首都不成,終歸折返赤鱲角的新聞,預視人大釋法的污染物擴散,籠罩香江。狼要香港司法獨立墜落,人大釋法,重手揀陪葬品。靈堂只一張摺凳,沒有補充,完。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載