› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

紙到用時方恨少 - 陳也

特首埋牙戰突發題:假如剛搬到新居,半夜才發現服務式住宅廁所無廁紙,閣下會點應對?
一,衝去7仔買(負十分,鄭蛾話你知,7仔係無廁紙賣的,信納。)
二,打的回舊居過一晚(負十分,因為官邸已經唔係你嘅,咁樣算做擅闖官地,做壞榜樣。)
三,搵競選辦幫忙。(一分,雖然尷尬但證明你還有凡人朋友,佢哋無當你的來電是上帝感召。)
四,找好友江湖救急(十分,假如真係有這種好友的話。官腔打了三十多年,斷估早就斷六親。)
五,官到無求,一於唔用廁紙(五分,能屈能伸,天將降大任於斯人,無理由唔識轉mode打逆境波。)
六,迎難而上,用其他代替物,例如報紙(每份八分!今時今日紙媒嘛,預咗難做,連dirty job都撈埋。不過後續要問的是:是用兩份左報或者李波報?擦住先?係咁就證明你沒有屁股指揮腦袋,恭喜晒,100分!唔使沖廁,衝閘啦。)

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載