› 選擇地區
三藩市
紐約
洛杉磯
其他美國地區
香港 台灣 北美
 
2017年02月15日

止蝕與原則 - 陳也

葉劉被麒麟撞飛但唔信邪,唔like解簽佬指衰足三年的詛咒,快手更新政綱,與二撇雞、胡官爭泛民300+的造王票,無視西環視泛民為眼中釘,的確藝高人膽大。這樣明鎅等住入閘的長毛150票,兼把七字頭的老前輩胡官迫埋牆角,那種氣勢,就算刻意揀在龍和道(香港人莫忘初心的發源地)做人肉selfie足足十分鐘與渣馬跑手打成一片的莊曾也要借一借歪。噢,葉劉真的唔知乜構造,假如成為直選票后當天沒有鬼祟驅車直入中聯辦交心這個污點,肯定攫獲唔少中產歡心,到時葉劉點會講,無基礎say no叫西環shut up?阿姐我出到口,N個張大師都要潛水呀唔係嚇你!一句拋窒為官36年的林師奶。
泛民325票唔係林鄭手握那五百蚊,唔可能亂塞俾強國乞兒集團。但葉劉乞票舉動搶佔眼球,與長毛殺出將無形雞蛋再次擲向莊曾的效果一樣,馬迷被大熱牽住鼻子走剝到一地花生,終於要諗吓,票點投,才能止蝕?
正如無大台之下,夏慤道幾時撤才能避開違背原則的指責?誰又能說了算?

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載