› 選擇地區
三藩市
紐約
洛杉磯
其他美國地區
香港 台灣 北美
 
2017年02月18日

李波兆波 - 陳也

波,又係波!這次,李波交波俾兆波。那份祝愛人(內地稱呼老婆)成功當選落實一國兩制做貢獻的情書,是你寫的嗎?記者街頭偶遇兆波,並無xx日報那樣的獨家霸氣,只是求其問。兆波,考慮五秒後才答:我簽咗名,當然係我寫的。
鏡頭中人,真係好鬼李波!
兆波與李波一先一後同樣請記者「放我一馬」。明明祝福老婆成功接梁特棒贏在跑馬仔小圈子欽點賽事起跑線,咁點樣放一馬好呀?一放,老婆就要返屋企搵廁紙,日日哦你老哥跟她唔connect,怨你老哥情書寫到似悔過書,令人聯想到肖建華那份間接認罪聲明,被對家二撇雞底線幸福抽擊得分!波哥,人留鬚你留鬚,點解對手得到咁多like?你老婆惹埋咁多嬲?嬲字兩邊的男人,肯定唔係你,咁,邊個挾你老婆,心裏有數吧。
考慮五秒,快速運算N種可能後才鬆口回答,做林鄭背後的男人,殊不輕鬆,成功當選後,傳媒更難「放他一秒」。由今天起直至明年情人節,慢慢寫他的情書,交好這份功課,掙回尊嚴一分,可以吧。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載