› 選擇地區
三藩市
紐約
洛杉磯
其他美國地區
香港 台灣 北美
 
2017年03月16日

等埋習攬? - 陳也

路透社

攬過就當贏,如果goodbye kiss,豈不是做足一世特首唔使換?有咁荒謬嗎?有!林鄭將白色恐怖錯誤引述,教壞學生,做到特首,小朋友個個都說,阿媽鬧未做完功課就唔准打機,是白色恐怖!學晒林鄭腔,父母點樣撥亂反正?諗緊整治個百厭星時,他已經頂證閣下:「你們支持奶媽,說她有為唔hea,佢講嘢,邊會錯!」
邊個接梁棒,坐上特首衰工位置,都必須攬住N項蘇州屎上身。一地兩檢,中央大石壓過來香港蟹。一帶一路,香港角色,必須見到成果,人、財都要落實到位。香港底子厚?笑死大鱷!房屋問題離題,內地資金癲標買重港地,玩咁大,爆煲可期,到時邊位特首能帶領香港重新出發?向來有運行的香港頂得住內地「老大難」壓力嗎?隨住梁特坐上政協神枱,香港擺脫內鬥惡耗,發聲的毒瘤(與假獨)終於消失。難關仍難,蘇州屎仍臭,慶幸遠睇近睇的獅子山,沒走樣,沒變形。鉛水扮奶水太重中國味,唔啱香港人脾胃。香港要向神奇小子星仔取經,贏固然好,打和都收貨,先保本,再增值。
326近了,買定離(握)手,等埋習攬?

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載