› 選擇地區
三藩市
紐約
洛杉磯
其他美國地區
香港 台灣 北美
 
2017年04月01日

四一,三七廿柒 - 陳也

選管會把1194個選委資料帶去會展,明解。將無票喺袋那三百多萬選民的資料一併帶去,就無從辯解。咁啦,趁今天四一,大家咪食七,食腦諗一下,點解選管會買一送一?
a,一鋪過賣出,每個資料收一蚊都好和味,有人好等錢使咯,樓貴嘛,再唔入市,港人港樓被西環退休幹部掃晒點算。
b,密室失竊,唔係密室殺人,遺失電腦和資料,都係死物,又唔係佔中,無可能控公眾妨擾罪,一定唔會判七年。
c,選管會明白未來五年以至N年,香港都由西環話事,所以送大禮俾張小明大師,釋出善意,幫未來波士修補撕裂的第一步,啱使吧?
d,選民資料早就在狼英治下copy好晒,直接送去北京,邊有私隱可言。港豬懵上心口,選管會裏面的有心人,刻意預警,企圖刺激夢碎的香港人,咁嘅環境,瞓唔落去了,三七廿一企起身,回歸廿年,好自為柒。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載