蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月25日
馬上成為壹會員

67歲劉婆婆與68歲何志平 - 陳也

何志平出事,新舊電池,千人一面,即時劃清界線。馬時亨說無佢個電話,點問候佢老人家呢係嘛。葉劉跟何志平老細關係曝光,原來是新民黨唯一的顧問,但葉劉精甩尾第一時間表明「唔熟」。唔熟,唔食,無呃你嘛。明明家臣主理那家能源公司,老董回答記者「食咗飯未」。唔,食得落的,似乎只得刻意放風指當年曾經與何志平不咬弦的奶媽,暗示有隔夜仇,又點會撐佢。最好笑是曾經做過何志平近身的某某國師,唔扮神化,直言其前波士此舉是為國捐軀。嘿難得啊,跟惡搞的網友同一口徑。
言歸正傳,68歲何君沒有享用港鐵兩元優惠,悠閒過退休日辰,卻為國家能源踏上征途,頻撲於絕世最黑的非洲小國,戶口不斷匯出美元。做這種高危馬前卒,走在黑金最前線,今番出事,肯定是一帶一路的烈士無疑!誰知,政治涼薄,政界雖然沒有掛出「熱烈祝賀踎監」的橫額,但人脈霎時斬纜,政治盟友,驚死受累,迅速變臉。回歸20年,監禁20年,天意何其湊巧!
如要替何志平求情,可引用67歲替富城火鍋店無假無休工作11年,引退時被僱主走數八萬多元退休金的劉婆婆個案。香港人真係好……牛,為老闆,可以捱到最盡。何志平當老闆係神,有錯麼法官大人!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載