› 選擇地區
三藩市
紐約
洛杉磯
其他美國地區
香港 台灣 北美
 
2017年12月06日

同行wtf?政治性侵! - 陳也

2017十大港聞,林鄭揀了自己當選特首的新聞做十大之首。重中之重,林鄭自選,令大家扎醒重溫,習帝需要的是太監型特首。林鄭睇通晒,鋤大Dee式打沉曾俊華,背後還可以好涼薄咁話畀發住香港夢撐曾俊華的中產聽:唔想佢殘酷自宮咁唔人道,我呢個師奶捱義氣咯。話之你畀嬲畀到上鼻哥,中產不行,退一步,海闊天空變風急浪高。阿爺君臨天下(唔係樓盤),中共牢牢掌握之下,香港朋友,絕對自由的,只適用於以中國心支付寶叫雞!其他,唔畀機會你諗大!唔信?香港人平均居住面積縮到166呎,車位般的單位叫價近千萬,林鄭聽聽話話做官36年都未買到樓,廢青老餅與中產,諗大咗,收唔番,唯有信奶媽,大灣區救到你。
從參選必須由選舉主任確認到DQ議員,一連串清退非建制、扮靚議會的暴力新聞,正常嘅識投票揀,必然贏林鄭的柒爆當選。選民世紀排隊兩小時忍住尿意倦意,換來議員被DQ、追薪,梁君彥玩大咗!選民興訟,上訴庭那一股歪風,鎮唔住,又試叫人大伸出魔爪!這一抓,不是撫摸你個頭,是回歸二十年獸性終極畢露的政治性侵!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載