› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

請建制食臘味的2.0 - 陳也

牛津字典選出年度詞彙youthquake。
年輕人緊貼林鄭「同行」,攞到着數,跟到闊老細,平步青雲由區議員做到政助,由同行升呢「同謀」,無可能感受到「地震」底氣!牛津字典指的青年,是林鄭眼尾睇唔上,不屑評論的unhealthy wind!風繼續吹,牙關與人心在震,被習大大點讚的林鄭,用慣用語回應:青年在震嗎?我完全睇唔到,香港好和諧穩定,無咗拉布,修改議事規則,合情合法,市民支持,我感覺唔到震源,大家唔好散播假消息,自亂陣腳。年輕人應該抓緊機遇坐高鐵北上,國家俾咁多機會香港,年輕人戰戰兢兢好正常,唔使用個震字係嘛。
震央中的年輕人,是政府最顧忌,在新時代最有力挑戰威權、推倒重來的新人類。政府有權用盡,重手鎮壓,被DQ的議員,被加刑送入監牢的13+3,排隊等住被檢控的佔旺清場、年初二擲磚案的年輕人,折騰三年,一直都在震區,一直受災,被官司纏糾,舉步維艱。雨傘運動餘震不絕的今天,youthquake的香港版,重災狀態,百廢待舉。政府話有方法幫青年避震,叫年輕人靠北,投身一帶一路。低端人口與震區青年重疊,還相信買臘味請建制議員食飯的林鄭嗎?真係震壞腦!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載