蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年03月09日
馬上成為壹會員

獅山再高,習帝近了 - 陳也

上得山多終遇虎?原來是豹貓掩眼法。
老虎,今晚打唔到,唔代表唔存在。苛政猛於虎,政府就係攔路虎,明明庫房水浸眼眉,再浸落去,寧願等金融暴風黑雨來襲,庫房千億,就像澳門的地下停車場,沒頂!別說車,連人,渣都無剩!政府唔益普通人,唔share高地價經濟成果,所謂補漏,就是叫人等浸了七日的停車場自己乾水,政府袖手旁觀。大型抽水機呢?拎去幫N無咁話。邊位算係N無呢?羅范打骰的科技園大喇喇擸過百億落袋,肯定是林鄭2.0新管治下的N超無!水深火熱最需要政府五百億改善服務的公營醫院,跟創新科技那班專業吹水才俊撈亂了骨頭。林鄭眉開眼笑,點了後者的燈,大紅燈籠高高掛的科技園帝庭,等住習總御駕親征,五百億,做N張龍床擠爆整個科技園都得,連走廊都擺床!習總身軟命硬,修憲通過N次續集都是自己做主角。自封科技優才菁英的,跪係床尾,一定等得到習握手那一天。
瑞犬高官注意,習總屬蛇,集虎頭蛇尾龍顏於一身的皇帝,獅山再高,也不遠了。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載