› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

四千蚊撲唔到一張飛 - 陳也

親戚急問,有冇門路買到黃子華的金盆浪口。我和其他人一樣都想有這道芝麻開門,政府大吹大擂的一帶一路,完全唔係路。林鄭忽然慷庫房之慨,有篩選地派四千蚊,小鳳姐有冇被請出場呢?無喎。你話,如果她派的是黃子華最貴那張880元票,不單止民主黨跪叩,子華哥的鐵粉,一夜轉倉,俾like鋪滿林鄭後腦勺都得,林鄭要翻白眼N次才睇得完那些like啊。
可惜,黃牛已經炒到飛起,尾場炒至萬五蚊一張,民主黨拎了林鄭三萬銀捐款,嗚呼,只夠二人同行。誰買得起萬五蚊一張黃牛飛?高調宣佈退場的誠哥,自爆在家宴客,一次已經使晒他在長江領到的五千蚊月薪。粉嶺高球會那班有銀用老細,夠晒資格買黃牛,萬五蚊一張飛嗎?掃他什麼的光光!凸顯富貴過超人!買買買,用雞付寶的強國富豪會員,唔手軟,包起黃子華的金盆,前場貴賓區盡見強國自己友,張小明坐喺湯渣隔籬,欣賞101%本土題材的棟篤笑,湯君又試狂嗌浪漫。乞兒都早知,做一條強國狗,比做鬼更幸福!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載