› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

聖公會vs誠哥,你信邊個 - 陳也

住劏房會情緒抑鬱,阿媽係女人,難道被調查的劏房戶個個誠哥咁款,四萬咁口大笑「心曠神怡」?如果超人咁都上到身,肯定精神病。
劏房,既然是香港富中國特色的產物,劏房戶,絕對不是低端人口,反而是回歸祖國最大的資產,只要習帝下達指令,要把劏房搞活搞好當成永續帝制的戰績,茅波點止派錢,四叔純官直情搶住拍心口,派樓!海航過戶那批地,全部起公屋回饋基層,不是天方夜譚。到時,邊使立廿三條,邊有人諗港獨,高球會繼續霸地,闊佬可恥揮桿,市民都好少理。填海填到上鼻哥,臨海無敵靚地全部歸發展商,枱面交易,林鄭賺晒讚。
再講落去,讀者實鬧我發癲。誠哥溫馨提示,叫人趁後生,撇咗「無樓唔會同你結婚」的港女,搵第二個。話雖如此,富貴就算如浮雲,都好過從未浮過已死沉。有樓揸手最新常態,是富貴爆燈的聖公會毫不避忌,高價入市掃豪宅貨,三辣招嗎?hm...上帝已經幫聖公會消化晒!大主教就是大業主的今天,叫年輕人搵第二個?太堅離地了(離天父更遠)。香港仔,注定抑鬱狂躁。

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載