› 選擇地區
三藩市
紐約
洛杉磯
其他美國地區
香港 台灣 北美
 
2018年04月26日

中國回收香港 - 陳也

報名跟吳克儉繼任人楊局長做一日跟班的學生仔,極大機會被要求跟局長度橋,獻計,怎樣將「中國收回香港」由措辭不恰當,改到阿媽唔認得,政治正確到爆漿?
收回香港不同D你老母,半粒字都唔涉粗口,忽然被鞭屍(講了超過二十年,招牌金句已經甩晒色,收晒皮先至話唔恰當),學生仔不能懶醒,篤住魚蛋對局長說:「不如就話:中國重奪香港,厲害了!讚!」局長面色一沉,下屬收到,使橫手將你DSE的成績抽出來插兩下,收回5,俾個2,高層核卷嘛,DQ做得出有凸。
收回,變成回收,頗恰當吧。香港這隻水煮蛙對中國暴富來說,已經唔對胃口,遲早淪為廢膠廢料。回收有價講,中國一旦唔收,廢紙獨立與綑綁都一樣,臭味圍城,區區震懾。跪求中國回收香港,是擁習的奴才生存哲學,回收啦主上,當廢膠咁拎去堆填,將港珠澳填埋一齊,中港無縫,上岸行埋!我的帝,神了!
噢,習帝有反應喎,神回香港,四個字:幹你的!好!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載