› 選擇地區
三藩市
紐約
洛杉磯
其他美國地區
香港 台灣 北美
 
2018年05月16日

試吓淘寶大灣區人 - 陳也

由689這個sale屎促銷大灣區人概念(唔係概念股,咪以為炒得起),下列措施推行時,你點應對?提早預習一下。
只有註冊成為大灣區人,才有資格在區議會和立法會參選與投票。你只能迫於無奈配合。手快有手慢冇,註冊難過排子華神,排喺你前面的N個籌,都係強國黃牛黨的地盤。大灣區人,咁筍,瞬間炒到十萬百萬一個籌,貴過上車盤首期。林鄭乘機發難:之所以搞成咁,反對派心中有數,香港人身份危機已經迫在眉睫,反對派還阻住地球轉?到此為止!
怎麼辦?香港人緊急操練,第一步從搶手機開始。連搶隻手機都認為粗暴的話,點去跟大灣區內拖喼鬆踭的同胞爭?到時,一個二個村官撲出來,兜口兜面向你真人示範,老師,想排隊做大灣區人嗎?好!打得!大灣區人僅止於概念,付諸行動的話,香港人多多唔夠打!大灣區人的身份,順X速遞唔會送上門,但有個商家茂李說,將來我們不是香港人而是大灣區人,假如佢唔係雞瘟上腦鳩噏車大炮,就係睇死香港人低端,電騙黨都信!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載