› 選擇地區
三藩市
紐約
洛杉磯
其他美國地區
香港 台灣 北美
 
2018年05月28日

Gel住你的五毛! - 陳也

過去一周,左膠被逢國膠搶眼球,風頭火勢下,逢國膠低聲下氣道歉。但問題跟巴士阿叔一樣,有壓力,未解決。一日未制裁「髮膠門」,恐怕又會重蹈「行李門」覆轍,機場從空服人員到保安人員,通通要睇689、777、西環、建制擁帝派面色,被迫開綠燈,被迫違規做阿四。昨日是一隻行李,今日是一支髮膠,明日還會出什麼糗?手提行李和髮gel,濕碎到痹,自以為高人一等者,點都要撻你老細個朵出來,兇你N下。機場有關員工,肯定總數冇阿叻幫粉嶺高球場篤出來的17萬咁多,唔夠牙力,試問如何頂得住髮膠盲!機場被一支髮膠玩殘,法庭被一個喪拍癲婆玩謝,中國香港,厲害個屁。公僕見文件以baogao代替report而無動於衷,被懶叻開口埋口優化,自封管治新時代的領導人老點,硬銷「公私營合作」,枱底繼續官商勾結。香港市民,被gel成N無,洗濕個頭,做死樓奴。
話時話,以放大鏡睇馬逢國頭殼,有幾條毛?頂多五毛!咁都要膠佢?顯然,無膠用,是契弟至痛,信納!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載