› 選擇地區
三藩市
紐約
洛杉磯
其他美國地區
香港 台灣 北美
 
2018年06月08日

萬柒?兩個字母! - 陳也

藝術家黃國才作品

香港01記者在六四維園「捉正」疑似女警者,打住「統計出席人數」問中學生讀哪家學校。頂,馬時亨講咗啦,問咁多資料做乜!建議明年六四三十周年時,所有學生向這些唔知係人定鬼的所謂調查員,大聲回應:我讀嗰間係大學,你實識,就係,F U!OK?
藝術家黃國才「八九六十四」的作品,唔俾展出。八九終三十,由今天開始籌備明年的展覽,睇死康文署,八九不離十,通通DQ相關展品。有打壓,後生仔覺得有抗爭feel,終於覺得有必要聯繫六四。這樣,最勁的作品,很可能唔使衝,唔使篤魚蛋,而係明年去選區議會。參選本身係藝展活動,個人係藝術作品,被DQ,係展品的後續部份,被紀錄下來,無漂白無美化,成就最真實的抗命紀錄片。喔,當然,唔會有戲院放喔,擺上網,雅虎九成「找不到結果」。問林鄭,嗚,佢話證明香港有言論自由喎。明年六四三十,問吓問米婆,勝過問柒。
八九終三十,用一年時間俾警方動吓腦,估計當日維園燭光有多少人?今年警方指人數只有萬柒。當年做保安局的葉瘤狠推23條之前,曾篤數指內地會有167萬人湧港爭居港權。喔,又係柒。那邊廂欠柒的689,閒到發慌,睇他的fb,最多人俾佢兩個字母的留言!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載