› 選擇地區
三藩市
紐約
洛杉磯
其他美國地區
香港 台灣 北美
 
2018年08月29日

健康大使洗咗紅館廁所未 - 陳也

紅館女廁清潔工被炒,牽涉黃子華金盆O浪口26場其中一場。清潔工埋怨「今日fans唔乖」,屙到一地那位,冇走雞,必屬鐵粉,除非被人脅持入場啫。粉絲唔乖,辣㷫女工,女工又辣㷫其他如廁者,冤冤相報,面斥不雅,香港人躁狂,遍地開拖,由台下到廁所,如火如荼。自己廁所自己洗這回事,是有的,四年前雨傘運動政總一角的女廁,如廁者個個都是自愛的乾淨女神,真令人懷念。咁啦,永遠站在雞蛋這邊是正確的,廁所清潔,穿說了跟管治爛笪笪的香港差無幾。女工加強培訓,再次面對女廁一地都係的災難時,可以學777語氣:「本人支持依法辦事,對此予以強烈譴責。」也可以學陳煩,擺個黑人問號樣出來:「一地兩檢?好!一地都係?哎!我希望高估使用人次,但相反喎,睇報紙至知道。其實48分鐘可以去廣州啦,快到生理反應都未ready。未有尿意前已經到站,一小時生活圈嘛。」喂,家吓講緊地下一大灘尿啊,女工老神在在學專家上身:「係咩?我見到好乾爽喎。」女工愛佛系,學馬主席出糗前的金句:「我話OK就OK!」蹺埋對手,沉降都唔會死,何況屙通地?若果女觀眾開罵,叫她望吓紅館對面那張車頭相,急call那位健康大使,移尊就駕,當紅館洗樓咁洗,不就地解決了麼?屎坑,自此蚊都冇隻,唔係咩!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載