› 選擇地區
三藩市
紐約
洛杉磯
其他美國地區
香港 台灣 北美
 
2018年09月20日

西環「15架大巴」冇影 - 陳也

互聯網(互聯網)

香港這個曾經world city,打工仔傳承了曾蔭權N年前的口號get the job done的強項,山竹一走,頭也不回,即刻返工。打工族明知唔可以靠政府施捨,手停口停,林鄭唔會塞五百蚊俾你,叫你天災過後,唔好冒住吳秋北指出的「生命危險」去上班,安坐家中,比得成女傭更加融入家中安享颱風假,你話幾咁和諧……發夢冇咁早!打工仔頭上沒有一把刀但記住了立法會至毒老闆張宇人的名句「侍產假一日都嫌多」,風災假,喺張老闆眼中,半日都唔會批。於是才有網上一圖睇晒,打工仔遇佛殺佛當阻路的倒樹無到,艱辛迎難而上的照片,為咗返工,去到最盡。美國佬睇到,也許會學特朗普咁講fake news,因為搵勻全世界無人會咁勇,除非戰狼,或者斷樹後邊有金執。香港人的確神乎其勇,話之屋企停水停電爆玻璃,甚至冷氣機不請自來直接吹入屋,打份工的市民,走過馬路上的挪威森林,踩住真磚頭,跨過幸好未沉降的路軌,始終,都係上唔到車!唔係指首置盤,冇咁大貪呀老闆,結果無差,都係罰企苦等,做鄧寇克佈景板!
我好奇,既然政府唔肯停工停市,西環點解唔行埋打工仔,調派「15架大巴」?新界冇「健康大使」咩?

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載