› 選擇地區
三藩市
紐約
洛杉磯
其他美國地區
香港 台灣 北美
 
2018年10月22日

再教育營,林鄭有得諗 - 陳也

CCTV畫面(互聯網)

各位靠父幹仍然在2046年前上唔到車的港人,有冇見過以下的絕世筍盤:「設有電視、冷氣、廁所與淋浴間,提供免費營養飲食,建有籃球、排球、乒乓球等設施,閱覽室、電腦室、放映室等文化場所,經常舉辦演講、徵文、歌舞和體育比賽,提供專業心理諮詢……」

冇眼花!你猜測係林鄭明日大嶼的願景嗎?近磅了,此乃新疆自治區主席替「旗下」的「再教育營」省招牌,雖然再教育營前頭加上「去極端化」字眼,但無損內裏「生活豐富多彩」(主席形容)。老實講,林鄭無理由唔借鏡,明日大嶼發水千七公頃,拎七百公頃用作明日大嶼再教育區,永遠住唔起新加坡鞋盒屋的廢青,明知老竇唔係祠堂都可以高價賣斷的鄉紳,思前想後,主動申請,全家入營,洗了底,申請政府工肯定過骨對不對?將來有機會做埋「陳健康二世」或者西環契仔女,前途錢途盲嘅都知會好過刀仔鋸樟樹的老馮。喔喔,你說新疆那個其實係集中營?安啦,明日大嶼人工島不一樣,集中的都是為一國一制奉獻的新香港人。林鄭標榜能容納110萬,嘩,多過新疆的一百萬。型啊營!

陳也

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載