› 選擇地區
三藩市
紐約
洛杉磯
其他美國地區
香港 台灣 北美
 
2018年10月25日

林鄭睇死下一代山窮水盡 - 陳也

林鄭口中不斷擺上枱,愧對左愧對右的下一代,他們點睇明日大嶼?

有後生仔估算,人工島向廣西採買大量海沙,未計超支,六百億走唔甩。明知刮沙都無力,有你冇你,一夠18歲就去申請公屋。政府不是叫過選民,袋住先嗎?後生仔將目標訂在2032年落成的人工島公屋。政府請客,後生仔的父母和很多納稅人勒緊褲頭付鈔,年輕人想分一杯羹,唔通等地產商大發慈悲?或者自己玩點心紙遊戲,願景點心紙變出地契?算吧啦,後生仔的成年希望是搵到唔使納稅的慢活生仔方式,申請上樓,當係買六合彩。接着登記做埋選民。選民與候選人,被DQ的機率,在689和777中間,已經無優化空間了。同輩友儕間互賭一下,被DQ選民資格先,抑或上到樓先?繼選舉主任之後,房委會被授權,單憑一個主任,堅稱對閣下的申請不信納。命運自主,樓都剝奪!下一代敢反對政府嗎?喔,夠薑網絡欺凌特區的First Woman?公民權和公屋權,即釘!

林鄭睇死下一代山窮水盡,明窒大嶼,只係死剩把口。自恃唔會被抑鬱的林鄭,膽更大了。如果沙膽可以填海,林鄭會第一個跳下去!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載