› 選擇地區
三藩市
紐約
洛杉磯
其他美國地區
香港 台灣 北美
 
2018年11月16日

開戲畀條橋做主角 - 陳也

「贏得數億觀眾的好評」,你估係乜電影?「明日之後」的山寨版「明日大嶼」?極有可能,但套戲暫時未上畫,所以呢,數億觀眾叫好的,是中聯辦宣傳部主持首映的「港珠澳大橋」所謂的紀錄電影。

搵條橋做主角,無病係嘛。西環還口痕呼籲觀眾「體會心靈深處的震撼」。香港出資接近千二億造橋,未嘗甜頭已被內地黑團搶喝頭啖湯,湧港愚民,認親認戚,攬炒東涌。條橋震撼了東涌居民的日常,卻被西環熱烈吹捧上天,除了開戲畀條橋,未來最佳男女主角係咪都要頒畀條橋?條橋好戲,兒戲個戲!咪以為捱過了天鴿與山竹就過海神仙,極端反常天氣年年加碼,號稱伶仃洋上的明珠,唔係明燈,當狗鏈用都頂唔住怪獸颶風的11米巨浪。香港觀眾睇戲,唔講心靈深淺,但求刺激頂癮,這套大橋樣板戲,冇AV肉搏,又請唔郁靚湯格鬥馬雲助興,咁好歹搵戰狼吳兄赤膊,劇終前上演雙臂力挽大橋於颶風中頹倒的厄運,拯救千萬同胞一瞬間,最後犧牲小我、完成習帝大海不怕小漣漪的使命!多難興邦,大橋受災,國家一定打救你!真高潮啊對不對,注意屁股下的震動座椅,聽西環預告:明日,數照跑,橋照跳。OK?

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載