蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月07日

老師,你好隱晦 - 陳也

12,861

天文台指上月雲量比正常超標25%,陰鬱指數創了過去任何11月份的紀錄。天氣不似預期,港運,行埋政治新常態,隱晦,真隱晦,真係好隱晦!

隱晦一派,以選舉主任為師,勁過本土派。本土群龍無首只敢網絡暴走粗口互×,批鬥泛民,放生建制,猙獰惡毒,令人心寒。難怪有人認定此等殺傷工具,係西環兵工廠秘製。本土西環,雌雄同體,一幣兩面,分身角色,愈鬥愈烈,有乜奇呢。

選舉主任只有一招,武林秘笈?佢識條鐵!隱晦派一招解決了N個政壇新銳,DQ做暗器,重創對手。泛民老餅,老油條還算識得避險,泛民新仔,個個食蕉,捱唔到DQ暗毒,五勞七傷,但竟然還有人叫泛民推新秀出台,咁咪即係叫十個有九個曾經在社交網絡支持命運自決的新人去試毒,睇吓幾時中招嘔白泡?所以呢,睽違兩年的國師又進場了,出神入化提議李馬丁去新東補選睇吓隱晦派掌門主任會不會叮佢。睇怕,11月的晦澀天氣會無限延伸。烏雲蓋頂,隱晦選項。上帝,放過香港人啦,求求你,下次我會改,改投老馮一票好冇?白票應該都係選項喎,又唔係逃學,唔使記大過係嘛,老師?

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載