› 選擇地區
三藩市
紐約
洛杉磯
其他美國地區
香港 台灣 北美
 
2018年12月18日

兩位保安局長唔buy華為 - 陳也

互聯網(互聯網)

阿仔中學雞,物慾要求不高,曾經用過一部親戚給他的二手小米,跟前保安局長差不多品味。小米瓜機後,買了低階三叔給他粗用,當然跟前前保安局長那隻無得比。但阿仔比葉劉誠懇,叫他換華為,他一頭問號說,華為係乜嚟?全球敵視華為5G,樹大招風,只有蠢公關才會替華為辯解,說華為出事主因係唔肯揼錢做好全球公關……乜乜乜,云云乎。華為幫軍方研發,戰略部署,超出明星代言找網紅吹捧的幼稚公式宣傳,雖然擲錢搵美斯拍過一輪廣告,但效果不彰。香港用家,主攻仍是蘋果三叔。蘋果開賣,內地客逼爆旗鑑店,搶奪土豪最愛的紅金系。環時主編姓胡那位就不怕「被華為」,繼續高調用蘋果,特權到咁,酸死五毛。

好了,講返兩位保安局長,點解都唔肯轉投華為懷抱?葉劉更擺到明始亂終棄,推翻昨日的我,寧願長揸三叔都唔俾華為埋身。這個保安局長超警覺,真的沒有白做!曾經自爆,擔心去台灣旅遊被酒店偷拍出浴的葉劉,試問,點敢行埋華為喔!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載