蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月21日
馬上成為壹會員

肥平舟舟後,下一位是狼 - 陳也

曼聯請摩佬食聖誕無情雞大餐,當然係依法辦事,唔使密室鑽研,罪狀一眼睇晒,無需諮詢外國專家,摩佬乃係貨真價實的問責下台,食得鹹魚抵得渴。OK?

地球的這一邊剛相反,香港勝在有……咩呢?真係無語!咁啦,大家掀開「一簾幽夢」,I see,唔告狼,有可能係咁解:

a,華為公主一身蟻,邊個頂上?喔,唯有狼!駙馬狼撲出,痛咬美加澳紐法國兼捷克的咽喉,好打得!問世間,除了排頭位的吳京和第二位馬雲老師,就輪到狼三哥了。杜魯多,等住收律師信啦!

b,唔告狼,其實係阿柒意思。若然個個住過上亞厘畢道的特區阿頭都入冊(包括阿柒自己),國際形象幾咁恐怖哩,對風水不吉,質殘福地地價。地價冧,明日大嶼38個「經濟專假」篤出來那八千億賣地收益,即刻爆煲!大話點再冚大話呢。

c,不是不告,時辰未到。袁廿三都活到九十歲啦!奶媽又冇咁好耐性,只係等特府累積民怨到一個臨界點,才上演告狼戲碼,借力打力,消消市民霉氣。

d,冤有頭,債有主,特府順水推舟舟,肥平實有接班人!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載