› 選擇地區
三藩市
紐約
洛杉磯
其他美國地區
香港 台灣 北美
 
2019年01月09日

分豬肉,冇得傾 - 陳也

有人算死草,粉嶺高球場的「死草」萬一收回起公屋,商家哭喪形容,將會影響他們傾生意。

真的嗎?市民幫商家統計一下,邊忽地收返或者消失後,會影響老細傾生意。

第一位:粉嶺高球場,老闆中意鑽草場多過18個的洞,鑽入洞尖,傾五千萬分手費實冇人偷聽到。

第二位:司長名人的僭建地牢。地牢內摸住紅酒摸底暢談做大大灣區、賣香港人豬仔的黑市生意,航拍都影唔到地牢舉杯這一幕。拆佢?冇偈傾。

第三位:明日大嶼。商家已經急着插旗,確認邊忽歸新×界、邊笪俾新×基……若果明日大嶼願景不幸叫停或縮水過千公頃,等於割地產商要害那忽肉!絕子絕孫富不過三代喎,慘慘豬,冇得傾。

第四位:丁地。N年前有人講過丁權唔能夠只傳男不傳女,結果提出來的女議員被告之,入村實聽被姦!今時今日林鄭做了特首,唔想「被姦案」在圍村失控急增,跟鄉紳早就傾掂數,寧填海、唔搵丁。男丁放下心頭大石,千秋萬代永續搵太公傾分豬肉呢盤大生意。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載