› 選擇地區
三藩市
紐約
洛杉磯
其他美國地區
香港 台灣 北美
 
2019年01月10日

性侵植物人 - 陳也

毛孟靜fb圖片

美國鳳凰城一家聲稱提供頂尖服務的療養院內,一名十年前因遇溺變成植物人的女病人,在院內離奇分娩,男嬰健康順產,正追查誰是經手人,簡直就是西班牙名導艾慕度華的經典電影Talk to Her的真實版。

植物人被搞大個肚,療養院如果搵陳帆「找數」,他肯定黑人問號回應:我都係睇新聞才知道。其實,睇完新聞都唔知道邊個係性侵真兇呀局長。

為了緝兇,香港警方會翻睇百幾粒鐘的CCTV,之後呢,單憑條片裏頭那條友仔的步姿,百分百鎖定,係佢啦!咦,呢件案係性侵唔係自殘?咁一樣啫,法官大人,條友的步姿難逃老差骨法眼,咁樣行,唔係公益金喎,直情係由炮房出來,仲使審!

療養院據知門禁並不森嚴,唔係男人止步。假如傳媒追問鄭大媽,她白着她的眼,強調冇利益衝突,唔使提告的原因:係咁嘅,鄰床嗰個,係佢老公嚟嘅!嘿,案情峰迴路轉,冇呃你美國佬,香港人真係經歷緊!

至於院方點樣善後,可以效法香港特區部門高層咁講:療養院等於灣仔繞道,個設計係容許有限度滲漏嘅……即是年中發生一兩件MeToo,係正常嘅,OK!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載