› 選擇地區
三藩市
紐約
洛杉磯
其他美國地區
香港 台灣 北美
 
2019年02月20日

建制張子強 - 陳也

《樹大招風》劇照

前保安局長掃把頭(當時的民間稱謂)當年爆響口,指內地將會有167萬人透過居港權湧來香港,167,比粗口更難聽但的確係掃把頭的金句。今天,遭麒麟撞飛都冇撞壞腦的前局長,再度爆響口,聲稱如果逃犯條例被否決,等於向市民發出訊息,鼓勵佢哋返內地和澳門「做壞事」。掃把頭咁講,係咪有心影射姓羅和姓劉兩位闊佬?兩位富可敵國,使聽你政府訊息?嘿,鼓勵市民返內地,共享大灣區,建設新憲制,這一陣聽到耳仔起繭,掃把頭唱反調,唔使審,係想暗箭射林鄭背脊,以報西環唔撐佢入閘之仇。

咁啦,做壞事,都係好心嘅,做壞事,而又得內地歡心的政商猛人,簡直係男人唔壞、女人唔愛的垂範!其他例子唔講,單係五千萬落袋而冇申報這種「做壞事」,全國黨員,大半都係689!做社會主義特色的壞事,等同以國家名義殺人,唔犯法的,強國就是這樣煉成的!最出名的疑犯不能不提張子強,張生「做壞事」的地點是香港,潛逃回大陸後遭抓捕槍決。樹大招風,掃把頭其實想保護張子強?惋惜佢被迫食子彈?香港司法獨立卻遭逃犯條例撕票,建制議員合謀標參,明目張膽做壞事!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載