蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月15日

菲傭比人大代表有福 - 陳也

12,835

網友毒舌,一致認為,強國已經不行,連搶救人大代表自己友都不做,還勸對方「你都係適合返香港醫」,有冇搞歪,人家是愛國忠犬表表者啊。

網友找到理由,因為協和醫院翻查名冊,翻來翻去終於找到,確認是自己友,有優先治療權。問題係,這條友,N年前已經入院,咁到底邊個盜版邊個正印,醫院識條鐵咩,唯有拒絕後來者,叫佢返歸。

網友對大灣區原本有憧憬,見到堂堂人大代被打回頭,狀況還衰過患子宮頸癌的菲傭,阿爺絕情過元朗那個巴基斯坦僱主柒倍!叫佢走,九成還會祝佢「身體健康」!網友死心,甚至思疑,返港就醫,被迫自己叫跨境救護車,會被敲詐幾千蚊,唔病死都激死啦。「所以要驗屍,死因唔係肝膽病,佢係爆血管!」

網友福爾摩斯上身,推斷人大死剩隻手都得,強國肝膽存貨又唔慌少,冇理由拒人大千里之外。咁蹺蹊,係咪梁大叔暗中發功,要鄭大媽損兵折將,碎其連任春夢?嘩,第一滴血出現了,自小便熱愛中國功夫的王國興,等住轉發兩位的格鬥實錄啊!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載