蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月24日
馬上成為壹會員

林鄭安心做壞咗嘅人 - 陳也

一個人一把傘,政制及內地事務局用公帑印製的「聯合國兒童權利公約」小冊,裏面一直有一把黃雨傘,傘下五個不同國族的小孩撐住。黃雨傘忽然無得留低,今年「被修訂」變成藍雨傘。

問小孩,雨傘是什麼顏色?「黃色。」林鄭肯定挑眉搶咪:「衛生署唔夠醫生,少四成咁多醫生喎,影響好多學童保健的小朋友唔夠醫生睇。所以個細蚊仔有色盲,家長都唔知囉。」學童保健有審計署fact check,預約體檢但甩底冇出席的學童有五成以上,衛生署缺人?慘情與公院醫生一樣?安心篤數,已成林鄭畸形管治的常態!短時間內強推逃犯送中條例,急於邀功求寵於習帝,連建制派石禮謙都迫住爆罵「仲衰過共產黨」!一錘定音,確證2.0已經超越宇宙最閒的梁大叔!蛾毒過狼,投過777票的建制與商家,蘇州過後無仇報,林鄭政權,衰過共產黨,唔使等到年尾,榮登2019年度十大潮句榜首。今天,佔中九子判刑,林鄭鐵定黑臉,以「我作為特首……」例牌開場白訓斥外商外媒。雨傘,是佔領運動的聖母院,劫後必將重生。壞咗嘅人,以林鄭居首,搵得返自己靈魂嗎?

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載