› 選擇地區
三藩市
紐約
洛杉磯
其他美國地區
香港 台灣 北美
 
2019年06月21日

07年的林鄭,陌生人 - 陳也

網民

連登仔唔收林鄭只道歉、不撤回的貨,揚言今日會將行動升級。政治一日都嫌長,林鄭下台與否,已經冇關宏旨,中央繼續要她自暴其短,餘下任期,只剩下廁紙功能,只能替西環王公公擦屎眼。件job咁難啃,佢早就done了。以她極有效率的公僕辦事能力但僅屬有限公司的政治智慧,該抓緊機遇,做一件過去N任特首都唔敢做的事……不是車大炮唔眨眼,而係實踐競選承諾,跟年輕人同行,今日,就走出特首辦,唔使戴頭盔,摯誠跟年輕人了解,只聽不問,只笑不喝,做個似樣的阿媽而不是「記你老母」!當然,612下午三點半後連續「試食」150隻催淚彈溝胡椒噴劑的香港人,有可能忍唔住,喝住都要問候她的媽柒次!正所謂出得嚟行,預咗被殘,這是林鄭40年公僕最勁的一課,已經溫好習,熟晒書,就睇她點樣向年輕人真身示範,年年考第一的本領!

撤暴動罪啦,黑面叫篤你背脊的葉劉「唔好搞我後面」,冇用嘅。07年清拆皇后碼頭時那個單拖與保育抗爭者舌戰的林鄭再遇朱凱廸,放下橡膠子彈,打開土耳其作家帕慕克「我心中的陌生人」,在煲底朗讀,好嗎?

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載