› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

元朗白屍送地產商終 - 陳也

互聯網

白屍被何君堯握手稱作英雄,好打得從此定性。林鄭親口承認「壽終正寢」,只敢出席酒會哽咽吓喝極都講自己的初心,或者避入離島跟鄉里合照切燒豬四萬咁口。無所作為只能拍住警隊一哥壯膽的林鄭,將社工踢給她的波,交個醫院波俾鄉黑。

元朗屍殺列車,白屍想證明鄉黑做到嘢。警隊打定主意唔肯幫林鄭賣命,唔想英年入浩園的今日,林鄭政權出動鄉黑,依法辦「白」事,將新界治安送終,元朗白屍攻入西鐵車廂無差別打人那一幕,重播又重播,白事始終是白事,做到嘢,都係喇渣嘢,唔見得光。

鄉黑拖埋元朗警方落水,這灘污水浸死地產商!打算買元朗蚊型豪宅的香港人睇完白屍送終新聞片,撻硬定!元朗橫洲跟689有黑deal,今日林鄭搵何君堯元朗揸旗,他口中的保家衛族,對搬入元朗豪宅的業主是多麼沉重的威脅,資產跌,人身怯呀!居民幾時會失驚無神變記者、柳俊江與林卓廷?小業主回家遇白屍,西鐵趕人全部落車,報警嗎?警方神回:驚就無出街!我唔得閒睇錶!元朗有幾多新樓盤?何某這位元朗「族首」,等緊執平貨!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載