› 選擇地區
三藩市
紐約
洛杉磯
其他美國地區
香港 台灣 北美
 
2019年10月07日

驚 - 陳也

外地朋友心急問,點解時光好似倒退,班狗官台上公佈以緊急法反蒙面,四個多月前同一批人又係咁狗樣,宣佈送中惡法必然通過。點解問責制冇發生嘅?我冇er,馬上答佢,林奠選舉承諾都冇keep,佢口中的班子雖然踩中問責制這坨屎,都唔會認臭。朋友問,班黑警咁癲,還會向幾多年輕人開槍?我er了一聲,元朗白衫休班警被圍毆開槍,打中了一個14歲男仔,休班警驚青到連槍都掉埋,慌失失打電話求援:「救我呀!俾人打!」黑警崩潰,指日可待!以濫暴聞名的法國警都要上街抗議「政府冇支援,示威者叫我們自殺,又話好仔唔當差,我們已經變成社會渣滓!」警署經常聽到差佬哭泣。示威後兩天巴黎警總有同僚槍殺四個差佬。這則新聞有提振作用,日日講大話的謝sir全家拎綠卡等做美國人的着草部署,同袍一定「心裏有數」!武警混入又點?武警偷食,黑警當災!呢個世界,係冇女拔校長口中的免費午餐!朋友問,抗爭愈久,會不會失去支持?見到南亞幫與大媽團闖入被搗毀的36×順手牽羊,運動好大機會被騎劫,間接有劫富濟貧效果,食腦年輕人好快識改良。朋友最後問我驚唔驚?17條特區廢柴送殯咁面口宣佈緊急法,如果明天恒指升,就真係驚。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載