› 選擇地區
三藩市
紐約
洛杉磯
其他美國地區
香港 台灣 北美
 
2019年10月14日

香港屋企 - 陳也

蘋果日報

中大女生除下口罩向校長懇求,譴責黑警的性暴。之所以敢去罩,女生說是因為「我冇屋企,中大就係我屋企,所以我冇包袱」。大好青春年輕人自稱冇屋企,林奠兩眼放光食住上,嗱,呢啲就係我一直關注的民生問題,希望唔好再有人阻住明日大嶼(未上立法會都知一定夠票通過)地產商李生唔好淨係叫我網開一面。班年輕人冇樓住,我好心痛,等社會一切平靜後,我承諾會幫佢地!(承諾就一早炒自己魷啦)「香港是我家,為何要破壞?」陳帆R頭問:「我到現在也想不明……」唉,陳局長淨係點算交通燈和閘機損毀情況已經要好似黑警咁OT,返唔到屋企。上周,某法官對劉姓偷衫警開恩,說「現時政治環境下,屋企有個男人好重要」而輕判偷竊警守行為。

屋企,一再被提及。香港這個家,抗爭者被黑警蝦,武后加辣再摘瓜。香港這個屋企,忽然處處浮屍,「陽具被打斷骨」的黑警,唔認呢筆血債,係咪暗指鐵打的武警才是浮屍真兇?肥媽喊晒,呀呀呀呀,敗家源頭,請陳局長面對不會說謊的浮屍,講人話啦。

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載