› 選擇地區
三藩市
紐約
洛杉磯
其他美國地區
香港 台灣 北美
 
2019年10月16日

施暴報告 - 陳也

路透社(左)(路透社)

林奠作文交紐時刊登車大炮咁叻,但唔敢見美國參議員Ted Cruz,自扯白旗,顯示手上真係只淨低三萬警隊。行內聽到,神經不穩嘅佢,施政報告前一天自鎖廁格自言自語,當馬桶係Cruz,不斷隻揪對方,句句有骨(關下體事):

一,香港多浮屍係因為明日大嶼未開展,一旦上馬,60萬打工仔飯碗有着落,個海唔見減大半,浮乜鬼屍。

二,跳樓那些唔一定係抗爭者,被人欺凌的警察家屬都有份!香港呢個家,交通燈入閘機被毀好心痛呀呀呀呀。警隊英勇犧牲,美國唔歡迎佢哋,大灣區jetso升呢益佢哋。惡有善報,天公地義!

三,你想起我底?慳啲。我一個女人,可以左右你哋美國大選,主導台灣大選,四個多月將香港由福地變仆街。咁你話,世界上邊個咁有料?

四,大家無謂講耶穌,你有你的信仰,我有我的……喔,我本烹飪指南呢?

五,我唔理烏克蘭的廣場革命,亦唔睇NBA,我係慈母,最憎衰仔蒙面,同我掟晒入18區差館黑房!閣下走遲半步,幫你準備好實彈,自選一隻眼啦!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載