› 選擇地區
三藩市
紐約
洛杉磯
其他美國地區
香港 台灣 北美
 
2019年10月18日

潘女與陳女之死 - 陳也

15歲彥霖入讀那家知專,過去幾日擠牙膏式發放訊息,陰謀啲諗,院校跟黑警有仇,扣起閉路電視,學黨鐵陰招,等大家鎖定仇恨,入黑警數。咁係幾高章嘅!可是知專管理處發英文信給員工,跟黑警同一口徑用曱甴形容示威者,唔使審,良心在太子站警署外跌咗。咁大間學院,過百台閉路電視,學校蓄意拖延俾人睇足本,刺激示威者大舉裝修。要查吓保安是否退役警員,行埋林志偉,放水讓速龍入來拉人,撳頸仆頭,好快紅過禿sir!

七個月前林奠引用惡法所謂的初心,源於港男在台北殺害潘姓女友,台發放閉路電視緝兇,潘母向民×聯哭訴,林奠跳出來口口聲聲為死者父母尋公義,祭出逃犯修訂條例,炒到香港遍地開花!林奠對待陳女與潘女,公義那把尺何以不一樣,大家心照。四個月下來抗爭者硬食警暴迫害,可疑浮屍被警方快速定性為無可疑,問誰能為15歲彥霖的亡靈解畫?還原真相只有3cm距離,學校卻以盧偉聰「指膊為肺」做榜樣,不惜代價,寧做幫兇。陳母自言唔想搞大件事,如屬自殺,點搞都唔會大。除非陳母被慈母忠告:利用潘女送中整唔瓜香港,用陳女引緊急法一定煮死香港!

陳也
電郵 :
mcwriter@appledaily.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載