› 選擇地區
三藩市
紐約
洛杉磯
其他美國地區
香港 台灣 北美
 
2018年05月28日

我唔信荷蘭叻係弱智 - 馮睎乾

陳百祥舌戰陳淑莊,被網民瘋狂恥笑,我深深替他不值。難道沒有人看得出他跟陳淑莊裏應外合,骨子裏是個反政府兼阻住地球轉的義士嗎?他說:「我覺得土地供應規劃係傻嘅。」一矢中的。政府收回球場,有告訴你用多少地興建公屋嗎?
只要你仔細聽清楚叻哥的話,就明白我所言非虛。主持人一開始問:「你係咪唔接受高爾夫球場被收回?」荷蘭叻秒答:「我唔係唔接受。」荷蘭叻代表高爾夫球大聯盟來反對收回球場,但他一開波已反身起腳抽射己方龍門,可見他表面上撐有錢佬,實際上站在人民的一邊,用心良苦。如果你做辯論反方,當然要拿出最強理據KO對手,但叻哥是咁樣辯論的:「我冇立場㗎,我冇講過嘢,但係我支持高爾夫球場留喺度。」這叫佛系辯論:不做準備,不設立場,不思考,不說話,緣份到了,對手自然投降。
叻哥最初說:「我先澄清我唔係高爾夫球會會員,我係普通人,我亦都冇去打。」但幾分鐘後說:「我一年都入唔到去兩次,絕對係唔關我事㗎呢個球場。」再過幾分鐘,他對陳淑莊說:「我93年打到今日,我入過去,你有冇入過去呀?」短短廿分鐘,由「冇去打」變成「93年打到今日」,破綻百出,真是「諸行無常,諸法無我」。如果陳百祥不是一個高僧,就是打假波了。
最後,荷蘭叻說收回球場,會導致17萬從業員失業(其後澄清是誤解),這個數字,智力正常者都會懷疑。17萬是什麼概念?即5個太古城人口,或大埔總人口一半以上。查本月號《香港統計月刊》,體育及其他娛樂服務界就業人數只有約3萬6千,說一個高球場養活17萬人,嚴重偏離常識。荷蘭叻肯定不是智障,怎可能相信或「誤解」這數字呢?不要忘記,叻哥三番四次強調,數字由大聯盟提供,有理由懷疑他是刻意抹黑大聯盟,拖他們後腳,還不是跟陳淑莊裏應外合?嗱,我冇立場㗎,我只係唔信荷蘭叻係弱智咋。

馮睎乾

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載