蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月07日

嚴禁侮辱別人娘親 - 馮睎乾

21,967
原圖:《金雞SSS》劇照(互聯網)

某日,有勢力人士阿狗忽然向所有人說:「有傳聞話小李嘅老母係雞,小李阿爸好嬲,話明邊個再講就劈邊個。」大家滿頭黑人問號,議論紛紛:「小李老母做雞嘅咩?你聽過未?」「未喎,你呢?」「我都未,乜小李有老母嘅咩?」「係人都有老母啦!但其實邊個係小李?」人人熱烈討論之際,阿狗大喝一聲:「總而言之,以後唔准講佢老母係雞!」眾人震懾於阿狗淫威,唯唯諾諾。此後每隔數日,阿狗便煞有介事警告大家:「唔准講佢老母係雞。」此事一傳十,十傳百,半年後全城皆知,唔能夠講小李嘅老母係雞,因為一講就好大鑊。

其實99.9%的人根本不知道小李是誰,對小李母親的職業也毫無興趣;餘下的0.1%,則分成兩派。甲派是狗粉,他們四出宣揚:小李母親絕不是雞,小李阿爸亦不容許她做雞。乙派儘管不在乎小李母親做什麼,但對阿狗極度反感,於是問:「點解唔可以話小李阿媽做雞?」狗粉其實也不明白,只好以最理直氣壯的口吻回答:「因為講得多,佢就會做。」乙派說:「咁我日日叫你去死,你唔去死?」

後來乙派開始有人說:「利申一句,本人反對話小李阿媽係雞,因為『雞』呢個字係歧視,應該講『性工作者』。我唔建議任何人從事性工作,但性工作都可以係生涯規劃一個選項,做定唔做,應該由小李阿媽自己決定。」狗粉一聽,馬上炮轟:「你唔阻止小李老母做性工作,你即係隱晦咁話佢係雞啦!大家劈佢!」就這樣,阿狗找到很好的藉口,斬殺仇敵,勢力越來越大。為免惹麻煩,最後城中所有人都說:「唔准講小李嘅老母係雞。」

「唔准講佢老母係雞」這句話,是否兜個圈表示「佢老母係雞」呢?假如你認為不是,不妨試着對朋友說:「嗱,我唔同意令壽堂係雞㗎吓。」看看對方有什麼反應。以上故事不是虛構,如有雷同實屬特登。只要以「港獨」代替「佢老母係雞」,你便明白,最應該因為宣傳港獨而被DQ的,是那些把「令壽堂不是雞」時刻掛在嘴邊的敗類。

馮睎乾
電郵 :
philomusus@gmail.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載