› 選擇地區
三藩市
紐約
洛杉磯
其他美國地區
香港 台灣 北美
 
2003年05月08日

香港有得Fun:
長洲今日飄色巡會全島細路玩到癲

疫潮開始穩定,悶了好一段日子的香港人已經早就按捺不住,四出玩樂,我們也決定打開屋企門,出去發掘一下香港還有幾Fun!
公眾假期,節目安排好了嗎?給你一個好介紹--入長洲!今日正是太平清醮的大日子,長洲熱鬧非常。這裏的小朋友,是太平清醮的一大主角,矚目的飄色巡會,就由他們來擔綱。不過一眾沒份參與的小朋友一樣玩到癲,因為又玩又吃節目一大堆,就來看看這班小地膽有甚麼好介紹。

記者:梁佩芬 攝影:軒 鳴謝:麥兜故事

先食個包去行山!
入長洲的主打節目首推看飄色巡會,栢軒話雖然巡會於下午才舉行,但大家不妨早上九時便入長洲,因為那時人不多,空氣又清新!他建議我們一出長洲碼頭就向左走,直往北帝廟看包山,再往旁邊的北社街買個大山包吃吃,傳統嘛,一定要試試。吃完山包後,就到親近大自然時間。直行前往東灣上的眺望亭,那裏空氣清新,又可盡覽長洲景色。栢軒得意地說:「如果你行得慢,上山都係一個鐘,我就半個鐘跑到上山頂啦!」

睇飄色最好係海傍道!
經過上午的行山活動,快到食飯時間。栢兒最鍾意食街邊舖頭的酸齋,「媽咪都有煮齋,全部都係豆腐同菜,我都唔鍾意食,最好味係舖頭嗰啲酸齋,有好多種味,我日日都會買一串食!」飽餐後,1:30pm就到太平清醮最緊張時刻,大型巡會。連續兩年栢兒都有份參加巡會做旗手,她說要為大家推介看飄色有利位置:北帝廟及海傍路,前者可一口氣看盡所有飄色,後者有海風送爽,影相都靚啲。

食薄荷味糖公仔睇大戲!
看完飄色,又有小朋友跑來介紹這裏的有趣玩意,最大發現可算是又睇得又食得的糖公仔。晚上,齋戒結束,海邊的海鮮檔相繼開門,但別吃過時,因為八點開始,北帝廟有神功戲。大B一手楂住四支糖公仔,「每逢有大戲都有糖公仔賣,有獅子老虎又有足球員,我只知綠色係薄荷最好味!」
太平清醮會在今晚結束,明天早上九時才開始派包,還要一早來排隊。所以,想吃個祈過福的山包,就要今晚留低啦。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載