› 選擇地區
三藩市
紐約
洛杉磯
其他美國地區
香港 台灣 北美
 
2008年10月29日

陳寶珠 甘國亮 嚟喇!

■陳寶珠與甘國亮合作,首次演舞台喜劇,希望為觀眾帶來新鮮感。

繼99年《劍雪浮生》,06年《天之驕子》之後,都沒有見過寶珠姐演戲了,更不用說是時裝舞台喜劇,但著名編劇甘國亮一出手,寶珠姐又怎能不為所動呢?劇目名叫《我愛萬人迷》,究竟誰是萬人迷呢?是品味至上兼周身刀的甘國亮?抑或紅足50年的陳寶珠?還是一眾好戲之人李香琴、石修、余安安、張國強呢?唔知,只知道《我愛萬人迷》恰似是一個高手過招的舞林大會,由編、監、導、演,以至服裝設計的奚仲文,都是星級中的星級,而且更會連續鬥「戲」26場之多,更講明不會緊接加場,今回認真crazyforyou!

記者:蒙為亮
攝影:林栢鈞
Thankscreditby甘國亮
Outfitby:agn囗sb.
Hairby:JeanTongofOrieat4
Opticalby:Dita
Thankscreditby陳寶珠
Hairby:MarkKim
Makeupby:ChanManFai

陳寶珠 紅足五十年

一句:「陳寶珠嚟啦!」,嗌足五十年,訪問當日粉絲們依然情誼不變,手機相機閃個不停,影足全程幾乎拍得住攝影師哥哥,對比現在的粉絲又愛飛輪海,又愛棒棒堂,舊一代的歌迷、影迷的確更為堅貞不渝,而且以前就是一個陳寶珠已經夠令一眾迷哥迷姐神魂顛倒,寶珠姐感激fans們的熱情:「有些fans係由出道至今一路支持我,有時仲會透過e-mail傾偈,甚至噓寒問暖一番,感覺好似朋友一樣,我諗無乜邊個唔想有好多人錫。」今次是寶珠姐入行以來的一個新突破,務求將一個前所未見的陳寶珠呈現在舞台上,「今次由投資者做牽引角色,令我同甘生可以首次合作,之前大家真係唔識,不過甘生大名我當然有聽過啦!但係估唔到第一個合作就係我從未做過嘅舞台喜劇,希望畀到自己同觀眾都有一種前所未有嘅新鮮感覺!」
還記得《女殺手》、《影迷公主》等陪我度過多少個寂寞的失眠夜,眼前的寶珠姐依然keep得很好,不過她坦言今次演出壓力很大:「畢竟太耐無做過時裝,而且之前做得太多古裝,所以手勢同對白方面都有啲唔同嘅調整,今次更係由頭演到尾,不過好就好在自己同飾演角色嘅性格都好似,因為大家同樣係風趣鬼馬之人。」甘生由始至終都堅稱《我愛萬人迷》不等於《陳寶珠傳》,希望大家不要「對號入座」,更一語道破:你有聽過麥當娜會演麥當娜傳嗎?
訪問前小記一直覺得寶珠姐嚴肅認真,且不苟言笑,但原來她完全沒有阿姐級的架子,更以和顏悅色輕鬆回答問題:「其實我個人有時都幾唔正經,一遇上老朋友敍舊,我就會變成好玩得,大講笑話兼滿場飛,所以我覺得自己都有少少喜劇細胞吧,哈哈。」歲月會催人,但令人開心的笑聲可以50年不變。

零爛gag笑足二十六場

由無綫編劇出身的甘國亮,可謂是經典的喜劇泰斗,由《執到寶》,《不是寃家不聚頭》等都是當年膾炙人口的經典,至於今次《我愛萬人迷》同樣以招牌喜劇做招徠,但甘國亮聲言不會隨波逐流,讓爛gag滿天飛,不過卻保證可令大家會心微笑,「其實唔係只有搞爛gag,先會令大家睇得開心,相反我會用自己一貫嘅幽默手法放喺舞台上,例如自我嘲諷,似活地阿倫嘅電影一樣,開心中又帶點苦澀,輕鬆中又帶點悲凉,我認為效果及敍事手法可以搞笑輕鬆,但往往故事情節先係最能令觀眾有共鳴之處。」
就如甘國亮所言,《我愛萬人迷》嘅故事亦係講述女主角當紅之後勇退,又不甘寂寞心思思想復出,九七前怕大陸怕到移民,回歸後又一廂情願地返大陸淘金,矛盾嗎?但這又何嘗不是很多人的心聲及想法呢?可能就是這種自嘲式的反思,比爛gag更讓我們哭笑不得。
寶珠姐亦自言在讀劇本之時經常忍不住大笑,皆因對白的確非常抵死兼過癮:「尤其是同琴姐做對手戲果幾幕,真係好有趣,劇中我哋飾演母女,我嘅性格巴辣,佢又唔服輸,所以惟有不停挖苦對方,唔係唔愛對方,或者唔尊重,只係另一種溝通方法!」同阿仔楊天經也是這樣溝通的嗎?「哈哈!一時時啦!通常都係我挖苦佢比較多,不過講到底都係開心嘅,互相詆毀都是一種情趣。」寶珠姐一講阿仔就立刻笑逐顏開,一副廿四孝媽咪樣子,愛子之情盡現!

唔只一個人功勞

甘國亮由編劇出身,做過電台台長、演員、節目主持,現在又回歸於出處,問到以前編劇同現在做編劇有甚麼分別呢?「無論心態上,技巧上,時間上,其實都差唔多,不過今次《我愛萬人迷》前前後後用咗兩年時間去籌備,但寫劇本才用咗3個星期,我認為舞台劇劇本固然重要,但其他如宣傳、埋班、排練,以至即場嘅台燈音都要有一定嘅配合同預備,一個舞台劇先可以成功。」不過講到編劇,其實甘國亮仍有點耿耿於懷,就是因為自己的名字太大,彷彿抹殺了其他人的努力,「例如以前編《執到寶》,同我共事一齊度橋嘅有林奕華、王家衞,佢哋未紅之前,大家只用上我嘅credit,就似我自己個人創作一樣,到佢哋紅咗,其他人才驚覺佢哋有份參與創作,『歸還』佢哋應有嘅credit,所以喺舞台上更加需要有名有份,電視劇可以寫寫吓唔寫,不過舞台劇卻係一個集體同步創作,唔可以打打吓燈走咗,演員如是,打字幕如是,導演如是,每個人都係堅守到最後一刻,所以今次居功至偉嘅其實唔只我一個,而係投資者到整team人。」除了credit,specialthanks出齊外,還有一點小記可以保證的就是甘生出品,必屬佳品,因為甘國亮就是那種對每一個字都非常認真執着的人,因為在訪問途中,我們因為「種子」和「源頭」這兩個中文詞彙的意思,引發了一連串的討論,雖則最後都沒有一個確切的結果,但態度認真,正是成功的王道。

陳寶珠經典

陳寶珠profile

「影迷公主」陳寶珠出身粵劇世家,7歲時已參加京劇的大會串,第一部京劇演出便是和沈芝華一起合演的「三岔口」。10歲便與梁醒波女兒梁寶珠合演粵劇,後得到任劍輝賞識,並收為徒。1958年開始轉上銀幕演出,曾參與電影超過一百部,代表作有《女殺手》,《給我一個吻》等。1999年復出舞台。轉戰舞台劇。

《我愛萬人迷》舞台劇

演出日期:1月1日至1月25日
時間:晚上8:00
地點:香港演藝學院
票價:$800$480$380$280$180
查詢:28353982

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載