› 選擇地區
三藩市
紐約
洛杉磯
其他美國地區
香港 台灣 北美
 
2013年11月13日

冇停手 多謝梁振英

今日的我打倒昨日的我,是甘小文成功之道。

「我搵兩餐,寫笑話之嘛,又畫得唔靚,呃人咋。」甘小文另類的畫風,時至今日歷久不衰:「出年1月會有新作,十年前停了,因為個市太差。身為上一代的漫畫家,一定要自我增值,睇多啲各類型的書,唔好日日對住四道牆,萬一讀者睇慣晒啲笑位,仲有乜好笑呢?故事要睇唔穿先有追看性!」留戀昔日美好也會出事:「成日記住以前《太公報》、《至Goal無敵》的成功,人就會無進步,我用咗七年時間憎自己,那時候我接了不同類型的創作,幫好多機構畫四格漫畫,既可吸引更多客源,也可刺激創作靈感。」
對於有人指港漫走下坡,甘小文絕不應同:「新一代的小克、Cuson等統統都做到停唔到手,其實只是以另一種方式生存。」無可否認打鬥漫畫不復當年勇,但社會笑話、諷刺時弊等依然大有市場。「漫畫店執笠,日本漫畫盜版猖獗可能影響銷情,但對港漫影響不會好大,尤其我寫精裝書多,好睇自然有人買啦。」至於港漫被評畫功水準下趺,小文這樣回應:「根本唔需要畫得太靚,你睇吓《進擊的巨人》,畫得咁醜樣,但勝在故事吸引,一樣大賣。」

甘小文習慣一腳踢,更自言收唔到徒弟:「成本書畫起晒我先逐隻字起,啲對白得我先知,為了減低成本,惟有自己做埋,捱夜都係一份樂趣。」面對大陸盜版網站,小文非常睇得開:「有次我去內地參加活動,以為無人識我啦,原來有人睇過我的漫畫,當係宣傳囉,雖然無錢落袋。」對於日後新作出品,他也說會考慮在facebook成立Fans Page。「但我又驚回應唔切被人話我寸呀!」至於漫畫內容,他笑說:「一定有社會政治話題,無梁振英我點賺稿費?」


足本收睇《亂噏24》x楊千嬅;緊接落嚟 Miriam繼續同你談談情,吹吹水!
周一至周五《亂噏24》約定你: http://bit.ly/appletalk24

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載