› 選擇地區
三藩市
紐約
洛杉磯
其他美國地區
香港 台灣 北美
 
2016年05月15日

【潮界開眼】歐國盃睇好邊隊?換上錶扣圈表態

Swatch推出FOOTBALLISSIME手錶,特別版有24個國家旗幟的錶扣圈,想支持邊隊可隨時換上。

歐洲五大足球聯賽這幾日都相繼進入尾聲,下周中歐霸盃決賽有利物浦對西維爾,月尾的歐洲聯賽冠軍盃決賽則有馬德里打吡大賽:皇家馬德里vs馬德里體育會。過完五月,六月的足球世界焦點自然是四年一屆的歐洲國家盃,距離6月10日開幕雖仍有一段時間,不過閒時一班足球迷已討論紛紛,絲毫不遜於現正舉行的NBA季後賽。

你又睇好邊隊呢?西班牙過去兩屆(2008年及2012年)都獲得冠軍,是歐洲國家盃史上第一支兩連霸的球隊,不過近年狀態有所下跌;德國亦係呼聲甚高的球隊,三次冠軍三次亞軍,決賽經驗夠豐富;法國亦有兩次冠軍在手,加上有主場之利,要贏冠軍也並非無可能。賽果未定,不過一眾品牌早已搶得商機,早前LEGO就推出德國隊Minifigures,似乎有所表態。
最近Swatch推出的FOOTBALLISSIME手錶就客觀些,沒有特別刻上國家名字,僅以錶盤上的綠色指針來代表綠茵草場。當然若果你真心有球隊想撐,都並非冇辦法,特別版FOOTBALLISSIME手錶套裝,就附送完整24個國家旗幟的錶扣圈,想支持邊隊,隨時換上。

記者:劉東佩

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載