› 選擇地區
三藩市
紐約
洛杉磯
其他美國地區
香港 台灣 北美
 
2016年02月08日

【父母學堂】細路學定五招 拜年唔失禮

農曆新年是小朋友最期待的節日,皆因可以大條道理放下書本功課、暫停補習及興趣班,跟父母四圍去拜年、吃喝玩樂,更重要是有得逗利是。不過,新年有好多禁忌,天真無邪的小朋友未必會清楚明白,最後做了一些失禮街坊的事,父母帶小朋友出發拜年前,不妨先學定以下五招,相信可以大大減低失禮人前的機會。

1. 教打招呼、學基本稱謂

中國人社會的親戚稱謂又多又複雜,甚麼大舅婆、二表嬸、三伯公、四叔婆……大人都未必記得清楚,何況小朋友?父母未必要迫小朋友死記硬背複雜稱謂,但一定要教他們入屋拜年第一件事就係叫人,打聲招呼永不失禮,叫聲哥哥姐姐或叔叔姨姨,包保個個都會讚小朋友乖豬。

2. 教定幾句恭賀說話

很多小朋友見到人會怕醜,不敢說話,父母可預先教比較年幼的小朋友用身體語言打招呼,例如見人就抱拳作揖、或報以微笑,另外又可以同小朋友練習定幾句簡單的恭賀說話,「恭喜發財」、「身體健康」、「龍馬精神」呢幾句最百搭,人人都啱洗,包唔會講錯。另外,也要提醒小朋友拜年時唔可以亂講唔吉利的說話,免得引起長輩不滿。

3. 講定點處理利是

小朋友收到利是,覺得新奇興奮可能會當場拆開,甚至講出銀碼,咁就醜怪了。唔想失禮?父母事先應同小朋友商議好收到利是要點做,包括一定要雙手接、講多謝、事後交由父母保管還是自行放入袋中等。父母又可為孩子準備定一個小手袋,叫他們收到利事後放入袋中,留待離開或返回家中時才打開,記得灌輸他們當場拆利是是極冇禮貌的行為!

4. 唔好食晒人地個攢盒

利是以外,攢盒也是小朋友的最愛,最喜歡瘋狂勁食裏面的糖果,父母可預先同小朋友講明可以食幾多粒糖,食得太多糖有咩壞處等等,如果見小朋友吃到忙形,也記緊要控制自己情緒,不要大聲責罵對方,否則失禮的是你自己。其實難得新年咁高興,食多少少,一次半次都唔緊要啦。

5.準備解悶法寶

雖然話新年有得周圍去,但其實拜年坐得耐都幾悶,父母可預先為小朋友準備一些解悶法寶,例如他們喜愛的圖書(唔係學校課本呀下)、或一些小玩具,咁小朋友呻悶時都可以頂得一陣,以防他們在親朋戚友面前因為太悶而大吵大鬧。

記者:黃子配

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載